RBI Cancelled Bank License: બેંકમાં ખાતા ધરાવતા કરોડો ગ્રાહકો માટે મોટા સમાચાર છે. જો તમારું પણ બેંકમાં ખાતું છે તો જાણી લો કે રિઝર્વ બેંક ટૂંક સમયમાં એક બેંક બંધ કરવા જઈ રહી છે. RBI દ્વારા બેંક માટે અનેક પ્રકારની સૂચનાઓ જારી કરવામાં આવે છે, જેનું દરેક વ્યક્તિએ પાલન કરવાનું હોય છે. ઉપરાંત, RBI બેંકો માટે તમામ પ્રકારની માર્ગદર્શિકા તૈયાર કરે છે.
22મી સપ્ટેમ્બરે બંધ થઇ જશે બેંક:
તમને જણાવી દઈએ કે, RBI દ્વારા અત્યાર સુધી ઘણી બેંકો અને નાણાકીય સંસ્થાઓના લાઇસન્સ રદ કરવામાં આવ્યા છે. તે જ સમયે, હવે રિઝર્વ બેંકે અન્ય બેંકનું લાઇસન્સ રદ કરવાનો નિર્ણય લીધો છે. આરબીઆઈના આ નિર્ણય બાદ આ બેંક 22 સપ્ટેમ્બર એટલે કે આ મહિનાથી બંધ થઈ જશે.
RBIએ લાયસન્સ રદ કર્યું:
ઓગસ્ટમાં RBIએ પુણે સ્થિત રૂપી કો-ઓપરેટિવ બેંક લિમિટેડનું લાઇસન્સ રદ કરવાનો નિર્ણય લીધો હતો. તમને જણાવી દઈએ કે RBIના નિર્ણય બાદ આ બેંકની બેંકિંગ સેવાઓ 22 સપ્ટેમ્બરથી બંધ થઈ જશે, તે તમામ ગ્રાહકો માટે આ મહત્વપૂર્ણ સમાચાર છે જેમના પૈસા આ બેંકમાં છે.
લાઇસન્સ કેમ રદ કરવામાં આવ્યું?
રિઝર્વ બેંકે કહ્યું છે કે, બેંક 22 સપ્ટેમ્બરે પોતાનો કારોબાર બંધ કરશે. આ પછી, ગ્રાહકો ન તો તેમના પૈસા જમા કરી શકશે અને ન તો ઉપાડી શકશે. આ સિવાય તમે કોઈપણ પ્રકારની નાણાકીય લેવડદેવડ કરી શકશો નહીં. RBIએ કહ્યું કે બેંક પાસે પર્યાપ્ત મૂડી અને વધુ આવકની સંભાવના નથી. આ કારણોસર આ બેંકનું લાઇસન્સ રદ કરવામાં આવી રહ્યું છે.
