તુર્કિ માં એક તળાવની અંદર એક રહસ્યમય મહેલ મળી આવ્યો છે. જે પાણીની નીચે ડૂબી જાય છે. આ મહેલ 3000 વર્ષ જૂનો હોવાનું કહેવાય છે.
આજ સુધી તમે ઘણા જૂના ખંડેર મહેલો અને કિલ્લાઓ જોયા હશે, પરંતુ શું તમે ક્યારેય પાણીની નીચે મહેલ હોવાના સમાચાર સાંભળ્યા કે વાંચ્યા છે? કદાચ તમે પણ વાંચ્યું હશે, પરંતુ હાલમાં તુર્કીમાં પાણીની નીચે એક 3000 વર્ષ જૂનો મહેલ મળી આવ્યો છે. આ પ્રાચીન મહેલ હજુ પણ સારી સ્થિતિમાં છે અને તુર્કીના સૌથી મોટા સરોવર વેન તળાવની ઊંડાઈમાં જોવા મળે છે. અહેવાલો અનુસાર, આ મહેલને વાન યુનિવર્સિટીની એક ટીમે ડાઇવર્સની મદદથી શોધી કાઢ્યો છે.
વાન કિંગડમ પેલેસ
આ મહેલમાં 3 થી 4 મીટર ઉંચી દિવાલો મળી આવી છે. આ ઉપરાંત પાણીનો સંગ્રહ કરવા માટેનો કુંડ અને સિરામિકના કેટલાક ટુકડા પણ મળી આવ્યા હતા. હાલમાં તે જાણી શકાયું નથી કે મહેલની દિવાલો કેટલી હદે પાણીમાં ડૂબી ગઈ છે. લેક વેન એ વિશ્વનું સૌથી મોટું સોડિયમ વોટર લેક છે અને તે ઈરાનની બાજુમાં આવેલા એનાટોલીયન પ્રદેશના ઉચ્ચ મેદાની વિસ્તારમાં આવેલું છે. આ જ પ્રકારનું એક જૂનું મંદિર પણ મળી આવ્યું છે જે ઉરાર્તુ કાળનું છે. સંશોધકોના મતે, તે લુપ્ત થઈ ગયેલી ઉરાર્તુ સંસ્કૃતિના લોહ યુગના અવશેષો છે, જેને વાન સામ્રાજ્ય પણ કહેવામાં આવે છે.
