અમદાવાદની હોટલમાં અંગતપળો માણતી વખતે યુવકને આવ્યો હાર્ટએટેક, થયું મોત, યુવતીએ વિચાર્યું ન હોય તેવું કર્યું

અમદાવાદના વસ્ત્રાલની સરગમ હોટલમાં યુવકનું હાર્ટ એટેકથી મોત થયું છે, પોલીસે અકસ્માત મોતનો ગુનો નોંધી વધુ તપાસ હાથ ધરી છે

• વસ્ત્રાલમાં હોટલમાં યુવકનું હોર્ટ એટેકથી મોત
• હોટલના રૂમમાં અંગત પળો માણતા સમય આવ્યો હાર્ટ એટેક
• રામોલ પોલીસે અકસ્માતનો ગુનો નોંધી વધુ તપાસ હાથ ધરી

છેલ્લા ઘણા દિવસથી ગુજરાતના વિવિધ વિસ્તારોમાં નાની ઉંમરના વ્યક્તિઓમાં હાર્ટ એટેકના બનાવો વધ્યા છે. લગ્નમાં નાચતી વખતે, ક્રિકેટ રમતી વખતે, વાહન ચલાવતી વખતે કે પછી જીમમાં કસરત કરતી વખતે તો કેટલાક કિસ્સામાં ગરબા રમતી વખતે 

આવવાની સાથે જ સ્થળ પર જ મૃત્યુના કિસ્સાઓ દિવસેને દિવસે સામે આવી રહ્યા છે. અમદાવાદમાં એક હોટલમાં યુવક-યુવતી સાથે આવ્યા હતા, જ્યાં યુવક નુ હાર્ટ એટેક થી મૃત્યુ થયું છે.

યુવક-યુવતી એકસાથે રૂમમાં ગયા હતા
સમગ્ર ઘટનાની વાત કરવામાં આવે તો બુધવારે બપોરે વસ્ત્રાલની સરગમ હોટલમાં એક યુવક-યુવતી એકસાથે રૂમમાં ગયા હતા.જો કે, યુવકને અંગતપળો માણતી વખતે હાર્ટે એટક આવતા મૃત્યુ થયું હતું. જે દરમિયાન યુવતી ગભરાઈ ગઈ અને હોટલ છોડી ત્યાંથી નાસી છૂટી હતી. જો કે, હોટલના રૂમમાંથી યુવક બહાર ન નીકળતા હોટલ સ્ટાફે તપાસ કરતા અંદર યુવક મૃત હાલતમાં મળી આવ્યો હતો.

પોલીસે સમગ્ર મામલે તપાસ હાથ ધરી હતી
હોટલના સંચાલકો પોલીસને જાણ કરતા પોલીસે સમગ્ર મામલે તપાસ હાથ ધરી હતી. તેમજ મૃતદેહને પી એમ અર્થે સિવિલ હોસ્પિટલ ખેસેડ્યો હતો. જેમાં આશંકા જણાવી આવી હતી કે, યુવતી સાથે અંગત પળો માણતી વખતે યુવકનું હાર્ટ એટેકના કારણે મોત થયું છે. જો કે, સમગ્ર મામલે રામોલ પોલીસે અકસ્માતનો ગુનો નોંધી વધુ તપાસ હાથ ધરી છે. અત્રે જણાવીએ કે, પોલીસે યુવકની ઓળખ મોહંમદ ઈમરાન અન્સારી (ઉ,32 રહે. રખિયાલ) તરીકે કરી છે.